Galivino é un grupo operativo autonómico que leva a cabo un proxecto que ten como obxectivo global o deseño e implementación dunha ferramenta que permita a certificación de orixe dos viños galegos nas diferentes zonas xeográficas para evitar a fraude, garantir a trazabilidade da produción vitivinícola en Galicia e poñer en valor as variedades autóctonas.

A creación dos grupos operativos é unha das ferramentas clave na execución do Programa Nacional de Desenvolvemento Rural 2014-2020 en materia de agricultura produtiva e sustentable para impulsar a innovación no sector agroalimentario e forestal. Trátase da agrupación de axentes de diferente perfil con intereses comúns, tales como agricultores/as, gandeiros/as, empresas, centros de investigación ou de formación, que se asocian para poñer en marcha mecanismos ou prácticas innovadoras co obxecto de dar unha resposta conxunta e multisectorial a un problema ou necesidade.

A Consellería do Medio Rural é o órgano da Administración galega ao que corresponde propoñer e executar as directrices xerais no ámbito rural, englobando as competencias en materia de agricultura, gandería, planificación e ordenación forestal, defensa do monte, desenvolvemento rural e ordenación comarcal, estruturas rurais e industrias agroalimentarias.

O proxecto Galivino está financiado polas axudas para a execución de proxectos dos grupos operativos da Asociación Europea da Innovación (AEI), cofinanciado polo Fondo Europeo Agrícola de Desenvolvemento Rural (FEADER), no marco do Programa de Desenvolvemento Rural (PDR) de Galicia 2014-2020.

Folleto do proxecto.

Vídeo do proxecto.