O Patronato é o órgano de goberno, representación e administración de FEUGA.
A presidencia do Patronato corresponde a un dos rectores universitarios, mentras que a vicepresidencia resérvase para un representante das empresas asociadas.
PRESIDENTE
Antonio López Díaz
USC
VICEPRESIDENTE
Alberto Carrillo García
Votorantim Cementos España S.A.
Membros
Manuel Fraga Iribarne
Manuel Fraga Iribarne
1999-2012
Fundador do Partido Popular e un dos pais da Constitución de 1978, naceu en Vilalba en 1922. Xogou un papel moi destacado na transición española á democracia. Desempeñou a Presidencia da Xunta de Galicia entre 1990 e 2005. Tras o abandono das súas responsabilidades no Goberno autonómico, foi senador en representación de Galicia ata pouco antes do seu falecemento en 2012. Foi nomeado membro de honra de Feuga en 1999 en recoñecemento ao seu decidido apoio á I+D+i.
Dositeo Rodríguez Rodríguez
Dositeo Rodríguez Rodríguez
1996-2020
Nacido en Ribas de Sil en 1935, foi conselleiro de Presidencia e Administración Pública entre 1990 e 1999, interventor adxunto do Ministerio de Sanidade e xerente da Universidade de Santiago. Foi membro do Consello de Contas de Galicia desde xuño de 2013. Foi nomeado membro de honra de Feuga polo seu notable labor no ámbito universitario e pola súa contribución á promoción da innovación
Arcadio Arienza Valcarce
Arcadio Arienza Valcarce
1992-2011
Naceu en León en 1914. Foi unha das grandes personalidades do empresariado galego do século XX. Cos irmáns Fernández López, fundador de Cementos do Noroeste, da que nacería o conglomerado industrial Corporación Noroeste. Tamén ocupou postos directivos en Zeltia, a primeira gran farmacéutica galega. Entre 1982 e 1992 desempeñou a vicepresidencia de Feuga. Tras deixar o posto, recoñecéuselle a súa contribución á creación e desenvolvemento da fundación co seu nomeamento como membro de honra.
José María Suárez Núñez
José María Suárez Núñez
1984-1987
Natural de Santiago (1932), foi catedrático de Medicina nas universidades de Granada, Madrid e Compostela, da última das cales tamén desempeñou o cargo de reitor entre os anos 1978 e 1984; o seu impulso modernizou a Universidade de Santiago. Destacou na súa actividade docente e tamén como investigador, polo que pertenceu a prestixiosos institutos e academias. Suárez Núñez propiciou a creación de Feuga, da que foi o seu primeiro presidente e tamén o seu primeiro membro de honra.
Súmate ao noso patronato
A Fundación Empresa-Universidade Galega (FEUGA) está constituída como unha entidade de dereito privado, sen fins lucrativos, de interese galego, universitario e empresarial, dedicada ao desenvolvemento da economía e a sociedade de Galicia.
Os fins fundacionais de FEUGA están confinanciados por entidades, organismos e empresas que efectúan doazóns á fundación a través de accións de patrocinio e mecenado.
Queres formar parte da nosa historia?
