GESVIÑA é un grupo operativo supraautonómico que ten como obxectivo unha viticultura sustentable do viñedo atlántico mediante a redución de fitosanitarios, a formación do sector en calibración de equipos de aplicación, e a utilización de cubertas vexetais para contrarrestar a erosión e mellorar a actividade biolóxica e fertilidade do chan, diminuíndo ou eliminando os herbicidas.
A creación dos Grupos Operativos supraautonómicos é unha das ferramentas crave na execución do Programa Nacional de Desenvolvemento Rural 2014-2020 en materia de agricultura produtiva e sustentable para impulsar a innovación no sector agroalimentario e forestal. Trátase da agrupación de axentes de diferente perfil con intereses comúns, tales como agricultores/as, gandeiros/as, empresas, centros de investigación ou de formación, que se asocian para poñer en marcha mecanismos ou prácticas innovadoras co obxecto de dar unha resposta conxunta e multisectorial a un problema ou necesidade.
Esta actuación está financiada no marco do Programa Nacional de Desenvolvemento Rural polo Ministerio de Agricultura e Pesca, Alimentación e Medio Ambiente e polo Fondo Europeo Agrícola de Desenvolvemento Rural (FEADER), sendo a Dirección Xeral de Desenvolvemento Rural e política Forestal a autoridade de xestión encargada da aplicación da axuda do FEADER e nacional correspondente.
FINANCIACIÓN
Cofinanciamento UE: 80% Feader
ORZAMENTO
57.922,21 euros
SOCIOS
Bodega Paco&Lola-Sociedad Cooperativa Vitivinícola Arousana (coordinador)
Instituto Gallego de Calidad Alimentaria (INGACAL – EVEGA)
NEIKER Instituto Vasco de Investigación y Desarrollo Agrario SA
Servicio Regional de Investigación y Desarrollo Agroalimentario del Principado de Asturias (SERIDA)
Asociación Vino de Calidad de Cangas (Denominación de origen Cangas)
Fundación Empresa-Universidad Gallega (FEUGA)
















