O Grupo Operativo supra-autonómico VITICAST, do que FEUGA é membro, celebrará, o vindeiro luns 6 de setembro ás 16 h, o webinar final divulgativo do proxecto.
VITICAST nace en 2019 co obxectivo de optimizar a produción e fomentar o cultivo sostible da vide a través da innovación no manexo das enfermidades fúngicas de maior incidencia (mildiu, oídio e botritis). Para iso, desenvolveuse unha ferramenta de aviso de posibles infeccións na que se combinan datos meteorolóxicos medidos a pé de parcela, a predición dos estados fenológicos da vide e a concentración de esporas e inóculo necesario para que se produza a infección. Esta ferramenta permite estimar con antelación a produción da colleita, así como reducir os tratamentos antifúngicos aplicados en viñedo.
Neste webinar, os socios do proxecto VITICAST describirán todos os aspectos técnicos e aplicativos desta innovadora ferramenta, ademais de presentar os principais resultados obtidos no proxecto, que alcanzou a súa fase conclusiva.
A quen está dirixido este webinar:
• Adegas e viticultores
• Consellos Reguladores e D.O.
• Responsables comerciais
• Centros de investigación
• Empresas de explotación agrícola
• Fabricantes de tecnoloxías e equipamento de monitoraxe
• Administracións e organismos de control
• Público en xeral
Celebración:
Data: luns 6 de setembro de 2021
Hora: 16 h
Plataforma: ZOOM (con tradución simultánea ao inglés)
Máis info: https://www.infowine.com/es/agenda/soluciones_innovadoras_para_ prediccin_de_enfermidades_ fngicas_en_vide_ sc_19950. htm
Inscrición gratuíta a través da seguinte ligazón: https:// zoom. us/ webinar/ register/7516280823557/ WN_ Q6 q9 P7 rVQA6 wcrZ_ Zl-Lvg
O proxecto de innovación conta coa participación de FEUGA, Monet Tecnoloxía e Innovación, a Universidade de Vigo, a Estación Fitopatolóxica Areeiro (EFA, Deputación de Pontevedra) e as adegas Facenda Mosteiro, Viña Costeira, e Matarromera.
VITICAST é un proxecto de innovación cofinanciado nun 80% polo Fondo Europeo Agrícola de Desenvolvemento Rural (FEADER) da Unión Europea e nun 20% polo Ministerio de Agricultura, Pesca e Alimentación, no marco do Programa Nacional de Desenvolvemento Rural 2014-2020. A Dirección Xeral de Desenvolvemento Rural, Innovación e Formación Agroalimentaria (DGDRIFA) é a autoridade encargada da aplicación das devanditas axudas. Presuposto total do proxecto: 615.249,08€. Subvención total: 599.957,08€.
FEUGA é a entidade responsable do presente contido.
